Plantun de Prouvènço

Pèr coumpara dos planto d'encò nostre

Dryas octopetala & Myosotis scorpioides

Tè-dis-Aup

Dryas octopetala

Rosaceae

Autre noum : Driado(-di-vue-petalo).

Noms en français : Chênette, Dryade à huit pétales.

Descripcioun :
Planto que fai de grand tapis que rebalon au sòu. Li ramo soun lignouso e li fueio fan pensa à de pichòti fueio de chaine. Li flour soun souleto sus li cambo e an de 7 à 12 petalo blanco.

Usanço :
Li fueio secado sèrvon pèr adouba de tisano bono pèr la digestioun (20 g pèr un litre d'aigo).

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Dryas
Famiho : Rosaceae

Ordre : Rosales

Coulour de la flour : Blanco
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Auto mountagno - Mountagno mejano
Estànci : Subaupen à Aupen
Couroulougi : Pancaro entresigna
Ref. sc. : Dryas octopetala L., 1753

Te-vese-e-t'ame(-co-d'escourpioun)

Myosotis scorpioides

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis queue-de-scorpion, Myosotis des marais.

Descripcioun :
Aquéu te-vese-e-t'ame trachis en ribo de riéusset, li prado e sus li roco bagnado, pulèu dins lis endré séusous. Fai parti dóu group qu'an li péu aplica e qu'an ges de bratèio dins l'enflourejado. La planto se ten bèn drecho e èi pulèu grando pèr aquéu gènre.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 20 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 3 mm
Flourido : Printems - Estiéu

Sòu : Si (Ca)
Autour basso e auto : 0 à 1700 m
Aparado : Noun
Mai à avoust

Liò : Prado umido - Riéusset - Roco imourouso - Tourbièro
Estànci : Mesoumediterran à Mountagnard
Couroulougi : Éurasiatico
Ref. sc. : Myosotis scorpioides L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Dryas octopetala & Myosotis scorpioides

ges

Coumpara Tè-dis-Aup emé uno autro planto

Coumpara Te-vese-e-t'ame(-co-d'escourpioun) emé uno autro planto